Според резултатите од нова студија, која траела 11 години, лицата кои во текот на денот поминуваат околу 7.000 чекори, имаат помали шанси да починат од било која болест за 50 до 70 проценти!
Се чини дека не е важно колку брзо се движите, дали пушите, дали имате прекумерна телесн тежина, важно е да се движите. Стручњаците анализирале околу 2000 учесници, а 70 од испитаниците биле жени на возраст од околу 45 години.
ОХРАБРУВАЧКИ ВЕСТИ
Стручњаците наведуваат дека студијата нуди мотивација на повеќето луѓе.
“Понекогаш се обесхрабени со високи цели, така така 10.000 чекори може да звучи премногу, па многумина ќе помислат дека не се исплатува да пробаат“, појаснува д-р Мајкл Тисо, лекар по спортска медицина и додава дека е важно да се имат докази кои на луѓето ќе им кажат дека е подобро да вежбаат , иакоо умерено, отколку воопшто да не вежбаат.
Тој истакнува дека е најважно да се сфати дека физичката активност секогаш носи нешто добро и дека не може често да се види дека некоја студија тоа ќе го побие.
Бројни научни докази од различни истражувања покажуваат дека активните лица имаат помал ризик од тешки форми и смрт од кардиоваскуларни болести во споредба со лица кои не се активни. Исто така, кај активната популација, кардиоваскуларните ( апосебно коронарните болести на срцето), доколку и се појават, тоа се случува во постара возраст и во полесна форма, отколку што е тоа случај кај неактивната популација.
Секогаш е најдобро да се следат општите насоки на струката кога донесуваме одлуки поврзани за нашето здравје или да се консултира со лекар ако има некои посебни прашања, а поврзани за вашата здравствена состојба, потенцира лекарот.
ШТО ВЕЛАТ ОПШТИТЕ НАСОКИ?
Пред се, тие предупредуваат на следење на состојбата на срцето, а вака гласат оние на Американското здружение за срце.
Во текот на неделата потребно е да се вклучат околу 150 минути умерена физичка активност, како пешачење- Втора опција е 75 минути интензивна активност во неделата, како планинарење или трчање
- Идеално би било да се комбинираат давата совети ии активностите да се распоредат низ целата седмица
- На аеробните активности додадете и вежби на сила, барем 2 пати во неделата
- Помалку време поминувајте во во седечка положба, а само кратка физичка активност е подобра од седење цел ден
- Постепено воведувајте се повеќе и повеќе активности во вашиот живот.
“Зголемувањето на пулсот е важен начин за заштита на здравјето на срцето и може да се постигне преку различни активности. Не се обесхрабрувајте, ако не можете да пешачите 30 минути или да поминете 7.000 чекори, почнете со 5 минутно пешачење. Ако и тоа ви е проблем на почетокот, едноставно почнете така што наместо лифт користете скали или пешачете до продавница, не седнувајте во автомобил. Пред да сфатите, активноста ќе стане нормален дел од вашето секојдневие“, додава д-р Тисо.
