За почеток, збогатете ја исхраната со намирници кои содржат витамин Б. Со овој витамин, вашиот организам ќе има доволно енергија, а ќе бидете и поопуштени. Јадете повеќе зеленчук, како грав, грашок и леќа, оти тоа позитивно влијае на мозокот. Освен тоа, богати се со фолна киселина, а недостатокот на фолна киселина предизвикува депресија.
Мора да се ослободите од негативната енергија. Седнете, затворете ги очите и длабоко дишете. Размислете за проблемите кои ве мачат и со секое издишување замислете дека ги исфрлате сите ороблеми од себе. Оваа вежба правете ја секој ден, најмалку два пати.
Повеќе време минувајте на свеж воздух и трудете се да шетате. Потрудете се и во својот дом да имате доволно природна светлина, што позитивно влијае на расположението.
Дружете се со пријателите. Одберете ги оние кои нема да ве заморуваат со своите проблеми и оние на кои нема да им зборувате за своите проблеми. Смејте се и уживајте во нивното друштво.
Не ги потиснувајте проблемите. Ако сте лути, покажете го тоа. Ако сте тажни, исплачете се. Никогаш немојте да си дозволите тоа да го задржувате во себе.
Што и да се случува, ќе помине и гледајте позитивно на работите, оти во секоја ситуација може да се пронајде нешто добро и никогаш не знаете зошто токму некој проблем може да биде решение за нешто во иднина.
