Некои болести се заразни, тоа сито го знаеме. Но, постојат работи за кои не сме ни свесни дека се заразни. Всушност, може да се каже дека нешта кои воопшто не содржат вируси или бактерии, се најзаразни. Расположение, некои активности, навики, чувства или однесување се само некои од нештата кои се шират меѓу луѓето, а тие за тоа да не се воопшто свесни.
ДЕБЕЛЕЕЊЕ
Ако често се дружите со лица кои водат сметка за својата телесна тежина, ќе попримите исто однесување. Навиките брзо се шират меѓу пријателите, а ако сакате да почнете со усвојување на здрави навики, не е лошо поинтензивно да се дружите со пријатели кои веќе ги имаат. Од друга страна, ако во вашето друштво се претежно лица на кои и не им е важно пто имаат вишок килограми, и сами ќе станете имуни на неколку килограми повеќе, односно несвесно ќе си создадете проблеми со телесната тежина. Добро е да се знае дека луѓето се склони да јадат повеќе кога се наоѓаат во друштво на лица кои јадат многу. Затоа, внимавајте, ако сакате да слабеете, со кога го делите својот оброк.
Но, телесната тежина не е единственото што може да биде заразно. Постојат неколку лоши, но и добри состојби кои лесно минуваат на вас, а за тоа не сте ни свесни.
ЛОШО РАСПОЛОЖЕНИЕ
Стресниот ден на вашиот колега од работа може да стане и ваш стресен ден. Истражувањата покажале дека е доволно едно лице во работниот простор да биде под стрес, за да секој член на тимот да може да се најде под потенцијален ризик за стрес и анксиозност.
ЧЕШАЊЕ
Кога ќе видите дека некој се чеша, голема е веројатноста дека тоа исто место на вашето тело ќе почне да ве чеша. Истражувањата покажала дека несвесно имитираме однесување на околината, па дури и неважни работи како чешањето. Тоа е еден од начините со кои покажауваме сочувство и поврзување со околината.
ОСАМЕНОСТ
Ако често се дружите со лица кои истакнуваат дека постојано се сами и осамени, по некое време и сами може да почнете така да се чувствувате. Дури и лица кои се опкружени со многу луѓе, може да бидат осамени.
СРЕЌА
Доброто расположение е еднакво заразно како и лошото. Научниците откриле дека среќата најбрзо се шири меѓу пријателите и колегите на работа, исто како и тагата и стресот.
