Забраните поврзани за пандемијата се уште се актуелни, иако оние кои примиле две дози вакцина можеби сакаат да патуваат, да јадат во ресторани и да се движат и другаруваат со пријатели. Која е научната причина зошто не е безбедно за оние кои се комплетно вакцинирани да ги прават сите овие работи?
Ова е прашање на кое многумина сакаат одговор, а еве што на тоа одговара д-р Ентони Фаучи, директор на Националниот институт за алергии и инфективни болести во САД, во своето интервју за Си-Ен-Ен.
ПОТРЕБНО Е ДА СЕ БИДЕ ВНИМАТЕЛЕН И ПО ВАКЦИНИРАЊЕТО
Да, можно е да добиете КОВИД-19 откако сте примиле вакцина, иако не се работи за чест случај. Центарот за контрола и превенција на болести проценил околу 5.800 случаи на т.н. пробојна инфекција (случај на болест во кој вакцинираниот поединец станува болен од таа иста болест за која вакцината е намената да ја спречи), од вакцинирани околу 77 милиони лица.
“Иако невообичаено, гледаме дека и тоа се случува“, појаснува д-р Фаучи. Како тоа може да се случи?
Може да се работи за примарно за неуспех на вакцината, кога телото не дава адекватен имунолошки одговор на вакцината поради бројни причини. Може да се работи за имунолошки статус, здравствен статус, користење лекови или некој пропуст во чувањето на лекот. Тоа е дополнителна причина зошто треба да носите маска и да се дистаницрате откако ќе ја примите вакцината.
МОЖЕ ДА ГО ШИРИТЕ ВИРУСОТ И ПО ВАКЦИНИРАЊЕТО
“Прва работа која мора да ја запомните е дека еднаш кога ќе се вакцинирате, ризикот од инфекција драстично се намалува. Логично е да го поставите прашањето зошто и понатаму мора да се придржувате до мерките“, додава Фаучи. На тоа прашање тој одговара дека во одредени ситуации, лицето да се вакцинира, нема никакви клинички знаци, а да ја шири инфекцијата, а тоа да не го знае. Вирусот може да се наоѓа во носот и да се пренесе на некој кој не е вакциниран и тоа лице може да се разболи. Од таа причина потребно е да се носат маски.
ПРЕТПАЗЛИВОСТ Е ПОТРЕБНА И ПОРАДИ НОВИТЕ ВАРИЈАНТИ НА ВИРУСОТ
Уште една добра причина зошто е потребно да носите маска, секако е фактот дека циркулираат нови варијанти на вирусот, а стручњаците сметаат дека се навистина загрижувачки. За среќа, на некои варијанти, како вирусот кој се појави во Велика Британија, вакцината делува, но постојат и варијанти поради кои треба да се биде внимателен.
ДАЛИ Е ТОГАШ ОПАСНО ДА СЕ ПРАВАТ НЕКОИ РАБОТИ И ПО ВАКЦИНИРАЊЕТО?
Д-р Фаучи појаснува дека се прави она што се смета за безбедно. Многумина ќе кажат дека сакаат да патуваат. Може да патуваѕе оти шансите да се заразите се многу мали. Прашан зошто тогаш стручњаците советуваат да не се патува, Фаучи одговата дека е во прашање ниво на ризик кој вам ви е прифатлив.
Она на што треба внимавате е да не заразите случајно некого, а со оглед на тоа што бројот на заразени постојано се зголемува, ова е особено чувствително прашање. Фаучи нагласува дека не сака луѓето да мислат дека ризикот не е драстично намален по вакцината, бидејќи сигурно е. Ризикот е мал и луѓето ќе одлучат што сакаат да направат, но мора да се запрашаати колкав ризик се подготвени да преземат, заклучува Фаучи.
