Многумина мислат дека ако некој има тетоважа или пирс не може да дарува крв, а всушност единствената вистина е дека ако сте се тетовирале или неодамна сте ставиле пирс – само привремено нема да можете да давате крв.
Значи, правилото е јасно: од тетовирање или ставање пирс мора да помине некое време, да се провери дали можеби личноста при некој од овие два процеса се заразила со ХИВ (игличките продираат низ кожата, па можно е вирусот да се пренесе по овој пат), а до препознавање на вирусот може да помине и до половина година од моментот на инфекција.
Еве кои уште личности не можат да бидат крводарители:
- оние кои имаат помалку од 50 кг;
- оние кои имаат симптоми на настинка, некоја болест или едноставно не се чувствуваат добро;
- кои имаат промени на кожата (инфекции, осип, габични заболувања …);
- кои имаат премногу висок или низок притсиок;
- кои се под терапија или не поминале најмалку 7 дена од терапијата со антибиотици;
- кои се наоѓаат во фаза на редовен месечен циклус (за лицата од женски пол);
- кај оние кои не поминале 7 дена од вадење на заб и помали стоматолошки интервенции;
- кај оние кои не поминале 6 месеци од тетоважа, ставање пирс, одделни хируршки интервенции и трансфузија на крв.
