Функцијата на имунолошкиот систем е да го заштити организмот од се што може да му наштети на нашето здравје. Со нарушен имунолошки систем, никој не може да преживее и покрај најефикасната антибиотска терапија.
Еве неколку предлози како можете да му помогнете на вашиот имунитет:
- Променете ја дневната рутина
Ако работите во канцеларија, најверојатно таму го поминувате поголемиот дел од вашето време. Седечкиот начин на живот го успорува нашиот метаболизам, со што имунолошкиот систем станува помалку ефикасен.
- Што да преземете?
Ако е можно, на секој час правете кратка пауза. Прошетајте 5 минути, направете лесни вежби за истегнување, прошетајте околу зградата или одете да го поздравите колегата на вториот кат или на другиот крај од канцеларијата.
- Го занемарувате добриот сон
Сонот е од витално значење за нашиот имунолошки систем. Ако нашето тело не произведува доволно мелатонин во текот на спиењето нашиот имунолошки систем не може да произведе доволно бели крвни клетки кои не штитат од бактерии.
- Што да преземете?
Пробајте да спиете помеѓу 7 и 8 часа.
- Премногу протеини во исхраната
Премногу протеини, особено од животинско потекло, во организмот произведува хормон IGF1, кој е познато дека го забрзува процесот на стареење и го успорува имунолошкиот систем.
- Што да преземете?
Обидете се со диета во која нема да консумирате повеќе од 10 отсто протеини од животинско потекло (месо и млечни производи) на ден. Ако се чувствувате добро, може да го намалите внесот на протеини на 5 % од дневниот внес на калории.
- Поголемиот дел од денот го минувате сами
Изолираните луѓе се помалку отпорни на стрес што, исто така, предизвикува лош имунолошки систем.
- Што да преземете?
Зајакнете ги односите со вашите стари пријатели, колеги или соседи. Организирајте излегување, вечера или одете на некој културен настан. Генерално ќе се чувствувате подобро, а вашиот имунолошки систем ќе ви биде благодарен.
- Не практикувате јога
Секоја физичка активност е добра за телото, а како што покажува искуството јогата е најдобра за имунолошкиот систем. Со јога го стимулираме крвотокот, дигестивниот и нервниот систем. Јогата ќе ве смири и урамнотежи.
