Дали после слабеењето ви треба и помал градник? Стручњаците велат дека губењето на тежината дефинитивно влијае и на градите! Докторката Анџела Фич, нутриционист од Центарот за губење тежина на Универзитет во Синсинати одговорила на некои од најчестите прашања за слабеењето и градите. Еве што вели таа:
Дали со губењето на тежината се намалуваат и градите?
„Не постои понежен начин ова да се каже, затоа што одговорот е – ДА. Поголемиот дел од градите се состои од масти. Значи, кога ќе почнете да губите на тежина насекаде – ДА, таа ќе почне да исчезнува и од градите“, објаснува Фич.
Колку губите од градниот кош (или колку ви се смалуваат градите) зависи од тоа колку колку масти таму складирате и колку тежина губите во целост. Некои жени ќе забележат дека градите им се смалиле, додека кај други тоа намалување ќе биде речиси незабележливо.
Дали градите почнуваат да се намалуваат пред остатокот од телото?
Не нужно… Можеби ќе се чувствувате како целата тежина која сте ја загубиле директно да си отишла од вашите гради, но тоа веројатно не е случај. Фич вели дека оваа заблуда, веројатно, е последица на фактот дека градите ви се на централно место.
„Заради тоа како се позиционирани градите на женските тела, нивните промени се највидливи, па е сосема логично што нивното намалување прво ќе го забележите, секако, пред намалувањето на бутовите или стомакот“, вели Фич.
Луѓето складираат масти на различни места. Кај некои најмногу се складираат на бутовите, а кај други на стомакот. Исто е и со градите – некои жени таму имаат повеќе масти од другите, па затоа повеќе го забележуваат намалувањето на тоа подрачје.
Дали брзото слабеење влијае на тоа градите да почнат да висат?
Добра вест: Брзината со која ги губите килограмите не влијае на еластичноста (или опуштањето) на вашата кожа, вклучително и градите.
Лоша вест: Ако изгубите значително количество тежина, вашата кожа, веројатно, ќе се опушти на лоши места, вклучително и градите што може да доведе до тоа да станат опуштени.
Дали јо-јо ефектите на диетите влијаат на градите?
„Постојаното губење тежина и нејзиното враќање може да влијае на текстурата на градите, освен ако редовно не ја губите сета тежина одеднаш. Исто е како и со брзото слабеење, дополнителната тежина ќе ја рашири вашата кожа, така што кога ќе ја загубите кожата почнува да се опушта“, вели Фич.
Но со диетите со јо-јо ефект само ги полните масните ќелии, а потоа отстранувате некои од тие масти. Доколку не пополните екстремни количества тоа нема да влијае на големината на градите со секое слабеење и дебелеење.
Дали може да се стори нешто градите да останат во форма?
Да – држете ја линијата под контрола. Освен тоа тренингот на градните мускули ќе ги зајакне мускулите на вашиот граден кош, а тоа може да помогне да ги одржите градите во правилна положба.
„За време на процесот на слабеење секогаш се препорачуваат вежби за губење тежина. Кардио тренингот помага во согорувањето на мастите, но вежбањето на силата помага во забрзувањето на метаболизмот. Ако губите тежина вашиот метаболизам се намалува, но изградбата на мускулите ќе помогне да го средите тоа“, појаснува Фич.
