Научници од Универзитетот во Глазгов, Шведска, ја мереле јачината на стисокот на дланката кај повеќе од половина милион луѓе во текот на три години. Ова го споредиле со нивната здравствена состојба и како таа се менувала со текот на времето. Заклучиле дека ризикот од рана смрт е поголем кај луѓето со слаб стисок. Инаку со децении овој метод се користи за мерење на здравјето и силата кај постарите луѓе.
„Силата на стисокот лесно е менлива и може да биде корисна во предвидувањето на идните болести. Јачината на стисокот покажала поголема поврзаност со кардиоваскуларните заболувања, отколку крвниот притисок и телесната активност, што малку и не изненади„, вели Стујарт Греј од Универзитетот во Глазгов, главниот автор на студијата објавена во списанието “British Medical Journal”.
Кандидатите од истражувањето биле на возраст од 40 до 69 години и биле вработени. Периодично, со текот на годините, учесниците оделе на медицински прегледи, правеле различни анализи, одговарале на обемни прашалници за здравјето и за начинот на живот. Тимот на Греј ја следел здравствената состојба на сите учесници во просек од седум години. За тоа време умреле повеќе од 13.000 луѓе, околу 3% од испитаниците. Кај околу 6% од учесниците се развиле срцеви болести, кај 2% респираторни, а 6% имале дијагноза рак.
Стисокот им бил мерен со специјален уред, а оној со јачина помала од 26 кг кај мажите и 16кг кај жените, бил поврзан со зголемен ризик од смрт како и од добивање на одредени болести.
Зголемен ризик од:
- Смрт од болест на срце – жени за 19%, мажи за 22%;
- Смрт поради болести на респираторните органи – жени 31%, мажи за 24%;
- Смрт поради некоја форма на карцином – жени за 17%, мажи за 10%.
Освен ова, истражувачите заклучиле дека луѓето со послаб стисок, се пушачи, биле гојазни, имале послаб социјално економски статус, обемот на половината им бил поголем, како и процентот на телесните масти. Покрај ова, тие биле склони и кон нездрава исхрана (јаделе малку овошје и зеленчук), помалку вежбале и повеќе гледале телевизија.
