Студија ја открила поврзаноста меѓу губењето килограми и намалениот ризик од развој на рак на дојка. Трајниот губиток на само два килограми кај жените над 50 година ја намалува можноста за заболување од рак. Во истражувањето учествувале преку 180 илјади жени, а истражувачите воочиле дека жените кои успеале да ослабат и да одржат одредена тежина помалку заболувале од оваа тешка болест.
Не е новина дека вишокот килограми влијае на зголемениот ризик од развој на карцином на дојка, а оваа студија утврдила дека нормалната тежина за жените над 50 години е од голема здравствена важност.
Дебелината стана голем проблем за популацијата ширум светот, само во Америка од неа патат две третини од женската популација.
Истражување открило дека жените кои успеале да ослават девет и повеќе килограми и кои успеале да ја одржат новата тежина имале за 26 отсто помал ризик од развој на рак во однос на жените кои ја задржале прекумерната тежина.
Како се објаснува ова?
Личностите кои плански губат килограми прават уште некои работи кои се важни за здравјето како што е вежбањето и поздравата исхрана. Се се ова промени кои го намалуваат ризикот од појава на рак.
Се знае дека масните клетки влијаат на појавата на воспалителни процеси, а токму тие процеси придонесуваат за развој на окружувањето во кое клетките на ракот се развиваат и размножуваат.
