Утврдено е дека консумирањето две порции внимателно осмислена храна дневно го намалува холестеролот еднаквоо ефикасно како и лековите и тоа во рок од 30 дена, се наведува во студијата објавена во The Journal of Nutrition.
Оваа мала промена довела до вкупно намалување на ЛДЛ или лошиот холестерол за 9 проценти.
“Тоа е неверојатно многу од преспектива на јавното здравје“, вели кардиологот и коавтор на студијата д-р Елизабет Клодас.
Намирниците што се користени во ова истражување се клинички формулирани така да изобилуваат со хранливи материи, како влакна, антиоксиданти и омега-3 масни киселини. Резултатите сугерираат дека дополнувањето со здрава храна може да помогне во намалување на ризикот од висок холестерол без лекови. Тоа е исто така ветувачки доказ дека обработувањето на храната може да користи за подобрување на квалитетот на хранливи материи, тврдат истражувачите.
- Истражувачите формулирале грицки од состојки со докажани здравствени предности, како што се ореви, лен и бобинки
Во студијата учествувале 54 возрасни лица со покачено ниво на холестерол. Студијата траела 4 недели. По еден месец консумирање хранлива храна, учесниците имале пониско ниво на холестерол, како што претпоставиле истражувачите, но промените биле многу поголеми од очекуваните, бидејќи нивните останати животни навики, како на пример, исхраната и физичката активност, останале исти.
Додека лековите за намалување на холестеролот се широко користени и се сметаат за безбедни, некои луѓе можеби нема или не можат да ги земаат (околу 4 проценти од луѓето имаат несакани ефекти). Студијата сугерира дека храната може да биде вредна алтернативна стратегија.
- Преработената храна обично е помалку здрава, но можеби и не мора да биде
Студијата, исто така, сугерира дека преработената храна, што често е на удар на критики поради здравствените последици, може да се користи за подобрување на исхраната.
“Преработката ја лишува храната од клучните компоненти важни за здравјето. Кај нас тоа не се случи“, посочува д-р Клодас.
Иако јадењето целосна храна е поврзано со значителни здравствени придобивки, вклучително и понизок холестерол, претходно спакуваната храна всушност може да обезбеди посоодветен пат за луѓето кои се борат со промените, вели Клодас.
“Моќта на исхраната е огромна. Затоа, мала промена во таа смисла е всушност голема промена. Вклучете мали промени во вашата исхрана на дневна основа, а тоа ќе направи голема разлика со текот на времето“, препорачува таа.
