Преполните женски чанти незабележливо доведуваат до непријатни последици, а припадничките на понежниот пол не се ни свесни за нив. Носењето тешки, а особено големи чанти кај секоја втора жена предизвикува одредени болки. Може да дојде и до предвремено стареење, тврди британскиот физиотерапевт Расел Стокер од Британското здружение на киропрактичари, врз основа на обавените истражувања.
Со носење на тешки торби телото е принудено да се прилагодува, а целокуоната ситуација дополнително ја комплицираат високите потпетици. Во оваа положба страдаат вратот, грбот, рацете и колената.
„Вратот се наведнува на страна за да се воспостави подобра рамнотежа, што може да доведе до напнатост и воспаление на мускулите. Рамото на кое се наоѓа торбата е поместено наназад и е повисоко од другото рамо. Ваквата положба влијае на мускулите на горниот дел од грбот, лопатките и потпорните мускули на ’рбетот заради што тие и се заморуваат и грчат. Бидејќи уморниот мускул не го потпира ’рбетот како што треба доаѓа до згрбавеност. Ако торбата се носи исклучиво на едната страна, може да дојде до иритација на нервите, како и до ишијас“, вели овој стручњак.
Освен тоа раката во којашто е чантата останува статична што е спротивно на вообичаеното нишање со рацете додека се оди. Мавтаењето е всушност природен начин за одржување рамнотежа. Ако тоа изостане, личноста е нестабилна. Истовремено заради притисокот кој го создава чантата, може да дојде до иритации на нервите на рацете, па и хронична болка. Колку што е потешка торбата поголем е притисокот на зглобовите, а тоа доведува до нивно трошење и оптоварување на колената.
