Истражувањата покажале дека редовното консумирање суви сливи може да го намали ризикот од рак на дебелото црево. Имено, сувите сливи поволно делуваат на цревната флора и на тој начин ги намалуваат шансите за развој на воспаленија и хронични заболувања во гастроинтестиналниот тракт. Исто така, благодарение на високото количество влакна во себе ова овошје ја зголемува ситоста и го намалува апетитот, па на тој начин помага во превенцијата од дебелина, метаболен синдром и дијабетес.
Со оглед на тоа дека го содржат и минералот бор, сувите сливи придонесуваат за здравјето на мускулно-коскениот систем. Во врска со ова, истражувањата покажале дека сувите сливи помагаат и во превенцијата од остеопороза.
Имено, се покажало дека редовното консумирање по 10 суви сливи на ден кај жените во постменопауза може да доведе до зголемување на минералната густина на коските, со што се намалува ризикот од кршење на коските.
