Активниот јаглен се добива со согорување на дрвенести материи и нивно третирање со кислород, со што јагленот станува порозен и способен да ги врзува хидрофобните токсини и мирисите од гасовите и течностите. Традиционално се користи за отстранување на токсините и хемикалиите од телото, па и денес се користи во медицината при лекување на некои случаи на труења и предозирања со дрога.
Освен за ублажување на стомачните тегоби како што се надуеност, гасови и дијареја, во последно време активниот јаглен се почесто се користи и како состојка за маски за лице, пасти за заби, сапуни и сл.
Активниот јаглен се користи и за лекување животни – доколку вашиот домашен миленик бил изложен на токсични материи, пред да појдете до ветеринар, употребете активен јаглен за барем делумно да ја намалите апсорпцијата на токсините.
