Нешто најлошо што може да направите е да седнете на каучот во истата облека во која сте биле надвор или уште полошо – да седнете на креветот во кој спиете.
Стручњаците советуваат дека треба да имате облека за по дома која ќе ја облечете веднаш штом ќе стигнете во домот. Причините за тоа се бројни. Многумина од нас патуваат до дома со градски превоз во кој често седиме, а не можеме да знаеме каде седела личноста пред нас и дали и колку често ја менува облеката која ја носи. Истото важи и за обувките.
„Луѓето од себе постојано ги отфрлаат мртвите клетки од кожата, потоа маснотија, пот и уште многу нешта, а сето тоа може да се најде на вашата облека. Секој ден отфрламе околу 500 милиони клетки кожа и литар пот. Бактериите и микроорганизмите можат да преживеат со денови, па и недели и месеци на облеката“, објаснува доктор Филип Тиерно, директор на Одделот за микробиологија и имунологија на Универзитетот во Њујорк.
Тој додава и дека новата, штотуку купена облека на себе може да има многу бактерии. Повеќе од 40 отсто од обуквите кои ги носиме надвор ја содржат бактеријата Clostridium difficile, која е исклучително отпорна на антибиотици и може да доведе до долготрајни болести.
Освен тоа на подот по кој одиме се наоѓа се и сешто, од животински измет, хемикалии, до плунка и сл. Бактериите на чевлите живеат со денови, па дури и месеци. Некои содржат и бактерија ешерихија коли и клебсиела пневмонија. Со собувањето пред влегувањето во домот го намалувате ризикот од заболувања, собено ако во куќата има мали деца кои ползат по подот.
