Поентата на истражувањето не е да им завидуваме на оние кои го можат ова, туку научниците се надеваат дека мутацијата на овој ген би можела да помогне во развојот на новите лекови за деменција, срцеви болести, несоница и сериозни болести кои настануваат како последица на недостаток на сон.
Истражувачите од Универзитетот во Калифорнија нашле повеќе од 50 семејства на кои им се доволни и помалку од шест и пол часа сон за совршено добро да фунционираат следниот ден. Анализирајќи ги овие семејства, утврдиле дека имаат мутација на ген, која е одговорна за оваа „супермоќ“.
Забележливо било и дека сите членови на семејствата го немаат овој ген, а на оние кои го немаат потребни им се повеќе од шест часа сон. За да утврдат дали навистина станува збор за тоа, научниците го измениле овој ген кај лабораториски глувци и се покажало дека после тоа спиеле 55 минути пократко. Кога станува збор за луѓето, на оние кои го имаат овој ген потребни им се околу два часа сон помалку отколку на останатите.
