Ако некоја личност ве замолила во облеката да не и седите на постелината во која спие, не се навредувајте. Доколку не можете ниту да замислите што се вашата гардероба собрала во текот на денот, еве неколку валкани тајни.
Бактериите можат да живеат на нашата облека со недели, па дури и месеци, открива Филип Терно, директор на институтот за микробиологија и имунологија од Универзитетот во Њјујорк.
Затоа е добра идеја кога ќе дојдете дома веднаш да ја слечете гардеробата во која сте го поминале поголемиот дел од денот, уште и пред да седнете на креветот. Ако во облеката која сте ја носеле цел ден легнете во кревет, се создава ризик од појава на инфекции, осип, акни, па дури и буви.
Доколку акните често ви се појавуваат на градите и грбот тоа може да биде резултат на валканата облека која ја собрала цела прашина, мртви клетки, кожа и пот. Вашиот кревет може да биде одлично место за ширење бактерии.
Помислете само на тоа што вашата облека, која сте ја носеле надвор, допрела во текот на денот: седиштата во јавниот превоз, столчињата на работа или во кафулиња и ресторани, ѕидовите на лифтот, клупите во парк…
Сега само помислете колку луѓе пред вас седеле на тоа исто место. Дали би ги поканиле да седнат на вашиот кревет?
После ова сигурно два пати ќе размислите откако некому ќе дозволите да седне на вашата постелнина во облеката која ја носи надвор. Затоа е најдобро врз постелнината секогаш да имате некоја прекривка, совет за сите е откако ќе дојдат дома да се преслечат во облека наменета само за дома.
