Кога ќе ги погледнете работната маса и компјутерот, наизглед делуват чисто. Сепак постои студија која покажала со колкава брзина може да се извалка овој простор со разни, на око невидливи бактерии, дури и од тоалетот.
Бактериите лесно може да се пренесат и на рацете, а и на устата.
Истражувањата покажале дека еден од четири канцеларски работници не ги мијат рацете по користење на тоалетот и со тоа остава милион бакетрии на разни места, од бравите, преку тастатурата до компјутерскиот глушец. За да спречите да се заразите, стручњаците откриле неколку начини на кои може да се заштитите од бацили.
Д-р Лиса Екерли особено предупредува на начинот на пуштање вода во тоалетот – доколку не ја спуштате веце даската, доаѓа до ефект „кивање„ што значи дека бактериите се распрскуваат по површина дури до 6 метри. Тоа значи дека тие ќе доспеат и на вашите раце, иако сте ги измиле. Да се изборите со ова, користете антибактериски марамчиња и со нив избришете ги бацилите. Освен тоа, познато е дека огромна количина бацили се наоѓаат на тастатурата, па ако решите нешто да изедете пред тастатурата,без да ги измиете рацете, по користењето на компјутерот, тие бактерии ќе ги внесете во устата. Докторката вели дека најефикасен начин за спречување на ширењетео на бактерии е миење на рацете. Околу половина болести ќе спречите доколку редовно ги миете рацете. Освен тоа, важно е и добро да ги исушите по миењето, бидејќи бацилите се задржуваат на влажните површини.
