Неодамнешно истражување покажало дека Британците во просек поминуваат три и пол часа неделно седејќи на веце шолја. Лице во просек поминува пет минути во тоалет во еден ден и ќе го посети тоалетот помеѓу четири и седум пати дневно. Но, Мајо клиниката предупредува дека долгото седење на веце шолја или напрегањето често е причина за појава на хемороиди.
“Иако можеби уживате да седите во тоалетот и да ги листате социјалните мрежи или да читате весник, тоа може да го оштети вашиот ректум. Кога седите на тоалетот, тоа создава притисок на вените во долниот дел на ректумот, што може да предизвика крварење, односно појава на хемороиди, кои можат да бидат многу болни“, вели здравствениот експерт Стефани Тејлор.
Хемороидите обично поминуваат сами од себе, но има и потешки случаи кај кои ќе мора да побарате помош од лекар. Поголема е веројатноста да се појават кај лица кои не вежбаат, кај оние кои креваат тешки ттегови, кај трудници или лица кои страдаат од запек, а напрегањето при користење на тоалетот исто така може да го предизвика овој проблем.
“Освен тоа, напрегањето може да резултира со анални фисури, мали пукнатини во дебелото црево, во близина на анусот. Состојбата може да чеша, боли и крвари. Во најлош случај може да дојде до ректален пролапс“, објаснува Тејлор.
За да спречите појава на хемороиди, немојте долго да седите на веце шолја, јадете доволно влакна и пијте вода.
