Новото истражување на група италијански научници кои ја проучувале врската на движење и нервниот систем, покажува дека мускулите на нозете се исклучително важни за нашето психичко здравје. Рафаела Адами од Отсекот за здравствени науки и нејзиниот тим набљудувале глувци кои во период од 28 дена можеле да ги движат само задните нозе. Иако предните нозе им биле оневозможени, тие јаделе нормално и не покажувале знаци на стрес.
По истекот на споменатиот период, тимот ја анализирал субвертикуларната зона во мозокот – дел од мозокот во кој изумираат старите неврони, додека истовремено се создаваат нови. Се покажало дека заради ограничената физичка активност бројот на матични нервни клетки се намалил, и тоа за цели 70 проценти во однос на контролната група глувци кои слободно се движеле. Заради спречувањето на движењето на нозете и драстично намалениот „тренинг“ невроните во мозокот не можеле потполно да се развијат.
Со движења на нозете, а особено при физичко оптоварување, до мозокот се испраќаат сигнали кои се од суштинско значење за производството на здрави неврони. Според тоа, невролошкото здравје не е поврзано само со упатствата кои мозокот ги испраќа до мускулите. Сигналите кои се пренесуваат од големите мускули во нозете до мозокот, исто така, влијаат на здравјето. Новите созданија можеби можат да објаснат зошто се намалуваат мозокот и нервниот систем на луѓето на кои им е ограничено движењето како резултат на болест: ограничената активност на нозете го отежнува и производството на новите неврони.
