Американските научници утврдиле зошто раните во устата заздравуваат побрзо од оние на кожата, отворајќи го патот за можно подобрување и забрзување на нивното лекување.
Имено, истражувачите сакале да дознаат како да го забрзаат зараснувањето на раните на телото, а се што требало да направат е мала повреда на луѓето за време на истражувањето. Станува збор за ранички од 3 милиметри.
За време на лекувањето на 30 луѓе кои имале рани од надворешната страна на устата, на кожата, но во исто време и во усната шуплина, научниците дознале дека главна причина за побрзото заздравување на „внатрешните“ ранички бил сосема уникатен модел на генска експресија, кој е содржан во клетките на усната шуплина.
Научниците добиле потврда на своите претпоставки после тестирањата извршени на лабораториски глувци.
Ова откритие би можело да се искористи за размножување на молекуларните примероци на надворешниот дел на кожата, на тој начин забрзувајќи го процесот на заздравување и исто така намалувајќи ја можноста за појава на лузни.
Според податоците на Националниот центар за биотехнолошки информации, дополнителен фактор кој придонесува за побрзо заздравување на оралните рани е, исто така, и присуството на плунка, која создава влажна средина и го подобрува лекувањето на воспалителните процеси.
Резултатите од студијата биле објавени во списанието „Science Translational Medicine“.
