Ако сакате да направите некоја промена и да создадете нова навика во исхраната, од која ќе имате здравствена корист, најдобро е таа да се спроведе наутро на празен желудник. Една од тие промени е консумирањето на солена вода секое утро. Таа се подготвува исклучиво со хималајска сол. Хималајската сол е позната поради своите здрави својства и квалитети, а се смета дека е најчиста форма на сол, бидејќи не се обработува ниту на еден начин. Хималајската сол е нежно розова боја, содржи јод и уште 84 минерали.
Електролити
Мешавината на сол и вода ја олеснува апсорпцијата на минералите во телото и ги поттикнува бубрезите да ги исфрлат токсините. Стручњаците предупредуваат дека солената вода не би требало да ја пијат оние кои патат од дисбаланс на соли, минерали и витамини, како ни оние кои имаат висок притисок.
Хидратација на телото
Солената вода содржи електролити кои го поттикнуваат функционирањето на организмот и распределбата на енергијата во текот на целиот ден. Со консумирање обична вода, исто така, ги исфрламе токсините, но и важните минерали. Предноста на солената вода е во тоа што го хидрира телото и му обезбедува минерали.
Чиста кожа
Минералите од хималајската сол го поттикнуваат здравјето на кожата. Цинкот ја поттикнува регенерацијата на ткивата и спречува појава на акни. Јодот и хромот помагаат во борба против кожни инфекции, а сулфурот ја одржува кожата мазна и чиста.
Подобар сон
Минералите од солената вода ги смируваат нервите, ги регулираат хормоните за стрес и го опуштаат телото заради што подобро ќе спиете.
Како да ја подготвите солената вода?
Во тегла со пластичен капак ставете ¼ хималајска сол, а остатокот наполнете го со вода. Затворете, промешајте и оставете да стои преку ноќ. Напитокот е готов кога ќе се растопи солта. Секое утро земете една лажичка солена вода и ставете ја во чаша со вода на собна температура и испијте на празен желудник.
