Според истражувањата на Универизтетот Рочестер, сите знаци упатуваат на тоа дека се работи за потреба – ‘рбетот на човекот е закривен, а перницата е потребна за правилна положба на ‘рбетот при спиењето. Секако, не се сите ‘рбети исти, но правилна положба е онаа кога при стоење, може да се повлече рамна линија од зглобовите на нозете па се до увото. И позата додека спиете, треба да биде како гореспоменатото.
Според експертите, душекот игра голема улога кога е во прашање позицијата на долниот дел од ‘рбетот, а перницата служи за вратот да биде во правилна позиција.
Ако ‘рбетот не е правилно поставен, се јавуваат проблеми со други делови од телото, особено мускулите, лигаментите и зглобовите, а сите тие потешкотии може да доведат до сериозни повреди. Доколку редовно спиете во неправилна положба, се оштетуваат дисковите во “рбетот, а таа состојба може многу брзо да стане хронична. Користењето перница може да ги спречи ваквите проблеми.
Според истражување на Националниот институт за спиење, 99% од луѓето спијат со перница на кревет, но 27% од нив користат 3 или повеќе перници. Стручњаците велат дека треба да се користат максимум две перници.
