Студените денови се идеални за уживање под ќебе, со топол чај во рацете или евентуално варено вино. Еден од вистинските заштитни знаци на зимата дефинитивно е циметот. Освен што убаво мириса и има специфичен вкус, може да биде и одличен пријател во подобрувањето на вашето здравје.
Меѓу другото консумацијата на чај од цимет е најдобар начин за регулирање на шеќерот во крвта. Подготовката е мошне едноставна – провријте ја водата и во неа додадете лажичка цимет. Оставете ја да отстои 15 минути, односно додека водата не се обои. Сè што треба да направите е да ја исцедите течноста и, нормално, да ја испиете.
Циметот е одличен и во борбата со проблемите со системот за варење. Подготовката е иста како и кај чајот, само што треба во водата да додадете неколку листа нане. Оставете да отстои десетина минути, процедете и во текот на денот испијте три вакви дози. Овој зачин е делотворен и при слабеењето, затоа што делува како антиоксиданс, а најдобро е да се пие како чај со мед половина час пред појадок.
Ако немате волја или сте уморни, во утринското кафе додадете третина лажичка цимет, ако, пак, не сакате да си го „уништувате“ вкусот на кафето додадете цимет во каша, смути…
За подобар сон користете стапче цимет во топло млеко. Испијте го еден час пред спиење.
