Консумирањето какао, кое е богати со флавонолот епикатехин, може да ги подобри перформансите на одење кај лицата со периферна артериска болест, укажува нова студија.
Имено, се покажало дека лицата кои пиеле какао три пати на ден во период од шест месеци, успеале да пропешачат 42,6 метри подолго во шестминутен тест на пешачење, отколку лицата кои не пиеле какао.
Од периферна артериска болест или стеснување на артериите на долните екстремитети по атеросклероза, боледуваат околу 8,5 милиони лица во светот постари од 40 години. Најчести симптоми на периферната артериска болест се болка, стегање, грчеви или слабост во мускулите на нозете при одење, односно пешачење.
Со оглед дека епикатехинот во поголеми количини може да се најде во темното чоколадо (над 85% какао), не се очекува вообичаеното млечно чоколадо да може да има ист ефект.
