Калинката е богата со антиоксиданти
Калинката е богатата со полифенолни, антиоксиданти кои се борат против нестабилните молекули кои можат да ги оштетат клетките, велат нутриционистите. Содржи и антоцијанини, кои ја даваат црвената боја на калинката и помагаат во намалување на крвниот притисок и превенција на рак.
Добар извор на влакна
Со консумирањето калинка внесуваме четири грама влакна по порција, според американското Министерство за земјоделство. Тоа е речиси 15 проценти од препорачаната дневна вредност на влакна за возрасни во околу половина чаша калинка.
Добар извор на витамин Ц
Калинките се исто така добар извор на витамин Ц. Половина шолја обезбедува околу 9 милиграми витамин Ц, што е околу 10 проценти од препорачаната дневна вредност за возрасни.
Извор на калиум
Содржи 205 милиграми калиум во половина шолја, а сокот од калинка има речиси 533 милиграми калиум по чаша.
Помага при воспаление
Истражување покажало дека редовното пиење сок од калинка може да го намали воспалението што му претходи на срцевите заболувања и дијабетесот. Имено, освен што го намалуваат крвниот притисок и го влијаат на превенцијата на рак, антиоксидантите го намалуваат и воспалението во телото.
Помага во подобрување на здравјето на срцето
Консумирањето на сок од калинка помага и за намалување на крвниот притисок. Срцевите пациенти кои пиеле по една шолја сок од калинка дневно имале значително помал интензитет и времетраење на болка во градите, покажало истражување.
Помага за подобрување на здравјето на бубрезите
Камењата во бубрезите може да предизвикаат крв во урината, силна болка и сериозни бубрежни компликации. Калинката може да помогне во превенција и лекување на камењата во бубрезите, бидејќи тие содржи антиоксидантни прехранбени фитофеноли, за кои е утврдено дека се ефикасни во превенцијата на формирање на камења, покажало друго истражување.
