“Печурките се богати со витамин Д, кој е исклучително корисен. Недостатокот на овој витамин е поврзан со замор, нарушено здравје на коските, намалена функција на имунитетот и зголемен ризик од хронични болести, вклучително и одредени видови на рак“, вели нутриционистот Никол Стефану.
Истражувањето објавено во стручното списание Food Science & Nutrition покажало дека со редовно консумирање печурки се внесува доволно количество микронутриенти во организмот без зголемување на калориите, мастите или натриумот. Печурките се богати со селен, хранлива материја која има антиоксидантни својства кои помагаат во намалување на секој вид на воспаление.
Тие добро влијаат и на функционирањето на цревата, односно дигестивниот систем.
“Многу истражувања покажаа дека печурките делуваат како пробиотици. Не само што го подобруваат варењето, туку можат да бидат корисни и за луѓето кои имаат дијабетес. Имено, печурките имаат способност да менуваат одредени цревни бактерии и на тој начин ослободуваат инсулин од бета-клетките на панкреасот“, додава таа.
Луѓето кои јадат печурки имаат помала веројатност да страдаат од депресија. Истражувачите го припишуваат ова на многуте биоактивни соединенија во печурките, вклучително и витамин Б12 и антиоксиданти.
