Шипката е богата со разни антиоксиданти како што се полифеноли, каротеноиди но и витамини Ц и Е. Истражувањата покажале дека исхраната богата со антиоксиданти може да помогне во превенцијата од хронични заболувања, како срцеви болести, карциноми и дијабетес тип 2.
Благодарение на високата содржина на витамин Ц го зајакнува имунитетот така што го стимулира производството на лимфоцити, додека, исто така, ја одржува заштитната бариера на кожата здрава и отпорна. Помага и во регулирањето на ЛДЛ холестеролот и триглицеридите, чие зголемено ниво го зголемува ризикот од крдоваскуларни болести. Едно истражување во кое учествувало 31 лице покажало дека консумирањето 40 г шипки во прав го подобрува крвниот притисок и нивото на ЛДЛ холестерол.
Интересно е и дека антиоксиданот тилирозид од шипката го поттикнува топењето на масните наслаги. Се покажало дека со земање 100 мг екстракт од шипка на дневно ниво значително се намалува телесната тежина и масните наслаги во пределот на стомакот.
Шипката, исто така, може да ги ублажи знаците на стареење – освен што содржи витамин Ц кој ја поттикнува синтезата на колаген, шипката содржи и каротеноид астаксантин кој го спречува пропаѓањето на колагенот.
