Кардиоваскуларниот систем се состои од срце, артерии, вени и капилари. Срцето има две комори – лева и десна. Крвта богата со кислород тргнува од левата страна на вашето срце, па низ аортата оди во различни делови од телото. Кога крвта ќе ги исцрпи резервите на кислород, тогаш поминува низ десната страна на срцето, низ белодробната артерија до белите дробови каде крвта повторно се оксигенизира и потоа се враќа во левата страна од срцето, каде процесот почнува повторно. Артериите носат оксигенизирана крв од срцето во различни делови од телото. Вените се слични на артериите, но се помали и послаби. Кога кислородот ќе го снема од крвта вените ја пренесуваат крвта во срцето. Капиларите се послаби од вените и испорачуваат кислородот во клетките од телото и се грижат крвта осиромашена со кислород и со додаден јаглерод диоксид да дојде назад во вените.
Приближно околу 5 литри крв циркулираат низ телото на возрасен човек. Кај тригодишно дете во телото има околу 2 литри крв, додека кај новороденче има околу една шолја крв. Крвта патува низ артериите, вените и капиларите. Капиларите се толку тесни што крвните клетки мораат да патуваат низ нив една по друга. Срцето пумпа крв во речиси вкупно 75 трилиони клетки во телото. Само рожницата не добива крв.
Ако сите вени, артерии и капилари се измерат заедно, би можеле да ја заокружат земјината топка два и пол пати. Постојат повеќе од околу 100 000 километри крвни садови во телото на возрасна личност. На крвта и се потребни околу 20 секунди да помине низ целиот васкуларен систем.
Звукот на срцевото отчукување всушност е звукот на срцевите вентили кои се затвораат додека крвта се потиснува низ срцевите комори. Просечното срце отчукува околу 39 милиони пати годишно. Просечно возрасно срце пумпа околу 4 000 галони крв дневно. Срцето и во состојба на одмор се грчи и опушта околу 70 пати во минута.
Секоја година, вашето срце чука околу 35 милиони пати, а тоа се 100 000 отчукувања дневно и 70 отчукувања во минута. За само еден ден, срцето создава доволно енергија да вози камион околу 32 километри. Во текот на просечен животен век, тоа е еквивалентно на возење до месечината и назад.
Чоколадото навистина може да го подобри здравјето на кардиоваскуларниот систем. Според најновите истражувања, чоколадото содржи какао кое со антиоксидантите во неговиот состав го штити кардиоваскуларниот систем. Антиоксидантите помагаат во намалувањето на крвниот притисок и ги намалуваат смртните случаи врзани за кардиоваскуларните болести. 4-5 грама чоколадо дневно е сосема доволно да се обезбедат доволни дневни количества антиоксиданти кои ги има во какаото – внимавајте да не претерате со чоколадото!
Оптимистичниот став за животот може да доведе до поздрав кардиоваскуларен систем, а и луѓето кои имаат оптимистични ставови имаат помали шанси за срцев удар и 55 отсто помали шанси да се соочат со некоја кардиоваскуларна болест.
