Човековото тело претставува неверојатен механизам за кој многу работи не се знаат. Фактот дека вкупната должина на крвните садови, артерии, вени и капилари е 96 500 километри е навистина фасцинантен. Она што е мошне важно е дека еден, олку комплексен механизам, треба да се одржува што е можно во подобра состојба, за сите неговите делови да функционираат беспрекорно.
Интересни факти за човековото тело
Крвни садови
Кога во рамна линија би ги распоредиле сите вени, артерии и капилари кои поминуваат низ телото, тогаш тие би биле долги неверојатни 96 500 километри.
Ушен восок
Церуменот или ушниот восок појачано се лачи во состојби на голем страв и слични агресивни чувства.
Мускулите во телото
Скелетните мускули се наоѓаат покрај коските и зглобовите, а во секое тело има повеќе од 600 одделни. Тие прават околу 40 отсто од вкупната тежина на телото.
Ноктите и нивниот раст
Ноктите на рацете растат побрзо од оние на нозете. Најбрзо расте ноктот на средниот прст на рацете, а ако се работи за доминантната рака тој расте двојно побрзо од останатите.
Нервен систем
Кога во рамна линија би ги послале сите нерви од нашето тело, тие би достигнале должина од 72,4 километри.
Скриен џин
Најсилен мускул во човековиот организам е јазикот. Тој е единствен мускул кој е поврзан со подјазичната коска, долната вилица, слепоочната коска, непцето и ждрелото само со еден свој крај – коренот на јазикот.
Сетилото за вкус слабее со годините
Во устата, на јазикот и во грлото имаме повеќе од 9000 папили и сензори за вкус кој со годините слабеат, па до, на пример, 60-годишна возраст ќе ги има двојно помалку.
Ги губиме клетките
Во секој час човековото тело од себе ќе симне повеќе од 600 000 мртви клетки кожа. Со пилинг и други методи отстранувањето на мртвите клетки кожа, овозможува дишење и подобра прокрвеност.
Коски посилни од челик
Најсилна коска во човековото тело е бутната коска. Воопшто нашите коски имаат поголем отпор и носивост од челик со иста ширина, тие се пет пати посилни од челик со иста маса.
Срцето работи постојано
Срцето е орган кој работи 24 часа. Со своите контракции пумпа крв низ целото тело и заради тоа низ него секој ден ќе поминат повеќе од 7500 литри крв.
