Фибромијалгијата е типично женска состојба или болест изразена во хронична болка по целото тело. Терминот фибромијалгија е збир од зборовите ткиво, мускул и болка.
Станува збор за честа болест која ги засега коските, мускулите, зглобовите предизвикува хронична болка истовремено во целото тело (а при притисок врз одредени точки, настапува засилување на болката во нив) и општ замор и слабост, симптоми поради кои фибромијалгија се приклучува кон артритните заболувања.
Некои стручњаци, фибромијалгија ја нарекуваат синдром или состојба, а не болест, иако Светската здравствена организација ја признала како болест во 1994 година. За прв пат била опишана уште во 1816 година како хроничен ревматизам, миалгија, фиброза, а многумина ја сметале и како душевно пореметување.
Лицата кои страдаат од фибромијалгија се подложни на психички заболувања, често запаѓаат во депресија и се склони кон социјално отуѓување и затворање во себе.
Негативните ефекти на болеста, исто така, влијаат на спиењето, расположението, способноста за работа, концентрацијата. Други симптоми на фибромијалгија вклучуваат главоболка, силно болна менструација, мускулна болка како по активна физичка активност, уринарна инконтиненција, болки во стомачната област, трнење и вкочанетост на екстремитетите, дијареја/запек, многу низок праг на болка. За болните од фибромијалгија премногу напорни стануваат не само обврските на работното место, но и секојдневните активности во домот, прошетки, качувањето и слегувањето по скали…
Имањето на само еден од овие симптоми не значи дека страдате од фибромијалгија. За поставување на оваа дијагноза треба да имате неколку од наведените симптоми. Фибромијалгијата може да се нарече женска болест, бидејќи жените страдаат од неа многу почесто од мажите. Возрасната граница во која се појавуваат симптомите на фибромијалгија е помеѓу 30 и 60 години.
Првично се мислело дека фибромијалгијата се должи на воспаление или вкочанетост на мускулите и тетивите. Подоцна е утврдено дека симптомите на болеста се должат на истакната функција мозокот и испраќањето на лажни сигнали во смисла на чувствителност. Така нарушените перцепции на болката даваат основа фибромијалгијата да биде дел од невролошките болести.
Симптомите на фибромијалгија може да се појават спонтано (како резултат на седечкиот начин на живот, стрес, депресивни состојби, недостаток на спиење, напнат секојдневен живот, ниско ниво на витамин Д) или како резултат на ревматски заболувања.
Лекувањето на болеста е медикаментозно, а паралелно со тоа неопходна е и психотерапија.
