Консумирањето намирници богати со флавоноиди, како јаболка и боровница, штити од рак и болести на срцето, укажува нова студија. Овој заштитен ефект посебно се однесува на пушачите и љубителите на алкохол. Но, треба да се истакне дека консумирањето флавоноиди не може да го елиминира целиот ризик по здравјето кој е последица на пушењето и консумирањето алкохол.
Консумирање на алкохол и пушењето ги зголемуваат воспаленијата и ги оштетуваат крвните садови, што може да го зголеми ризикот од низа болести. Флавоноидите делуваат противвоспалително и ја подобруваат работата на крвните садови, што може да објасни зошто нивното консумирање е поврзано со помал ризик од смрт од срцеви болести и рак.
Воочено е дека лицата кои секојдневно консумирале околу 500гр флавоноиди, имале најмал ризик од смрт од срцеви болести или рак.
Според мислењето на стручњаците, важно е да се консумираат флавоноиди од различно потекло, што може лесно да се постигне со режим на исхрана составен од една шолја чај, една јаболка, еден портокал, 100гр боровница и 100гр брокула.
