Фоликулитис е често кожно заболување – воспаление на фоликулите на влакната. Најчеста причина за ова заболување е бактериска или габична инфекција, која ја предизвикува Staphylococcus aureus. На почетокот, може да се појават мали мозолчиња при самиот корен на влакното, за подоцна да се прошират на цела површина формирајќи осип проследен со чешање.
Симптомите може да се манифестираат и со групи на мали црвени или бели мозолчиња околу самиот корен на влакната, гнојни мозолчиња кои сами се дренираат и се појавуваат црвени красти, како и чешање и болка.
Ризик фактори за појава на ова воспаление се бричење и повреди за време на бричењето, топлина и потење, користење синтетички материјали и одредени лекови, гојазност, претходни кожни заболувања (акни и дерматитис) и повреди на кожата.
Лекувањето зависи од видот на фоликултисот. Со добро одбрана терапија доаѓа до подобрување на состојбата, но инфекцијата може да се повтори.
