Карциномот на дебелото црево е една од најчестите злокобни болести кај обата пола. Се лекува со хируршка интервенција, но со превентивни тестови и прегледи може да се открие во рана фаза, кога шансите за излекување се многу поголеми.
1 на 6

Карциномот на дебелото црево е една од најчестите злоќудни болести кај обата пола. Се лекува со хируршка интервенција, но со превентивни тестови и прегледи може да се открие во рана фаза, кога шансите за излекување се многу поголеми.

Заморот е општ симптом, но може да биде поврзан со многу тегоби и болести. Доколку покрај замор чувствувате и губење на здив и општа слабост, обратете внимание и на другите можни симптоми на оваа болест.

Слабокрвност или анемија - ниското ниво на хемоглобин во крвта може да биде симптом на рак на дебелото црево. Анемијата се детектира преку обична крвна слика. Се препорачува да се направи и колоноскопија и преглед на гастроинтестиналниот тракт.

Силни болки во стомакот – може да се јават поради растот на туморот во цревата, па доколку почувствувате болки во овој предел кои траат, не одложувајте. Постојат многу причини за болка во стомакот, но немојте да ризикувате и да велите дека ќе помине само од себе.

Крвава столица – знак кој никако не смее да се игнорира! Иако може да постојат повеќе причини, најбитно е што побрзо да ја утврдите вистинската и да го започнете лекувањето. Не чекајте! Ако крвта е светлоцрвена, веднаш јавете се на доктор.

Превенција - занимавајте се со физичка активност, макар одете и само на прошетка, бидејќи според истражувањата, и получасовна секојдневна прошетка го намалува ризикот од рак на дебелото црево. Витаминот Д може да помогне во заштита од рак на дебелото црево, тврдат кинеските истражувачи, кои анализирале резултати од 18 студии спроведени врз повеќе од 10.000 испитаници.