Според истражувањето направено од универзитетот University of Exeter во Велика Британија, играњето на фудбал го намалува ризикот од хипертензија. Во истражувањето учествувале 22 испитаници на возраст од 30 до 55 години, а истражувањето е објавено во научното списание “Medicine & Science in Sports & Exercise.”
Сите испитаници кои учествувале во истражувањето имале симптоми на блага до умерена хипертензија, биле задолжени двапати во неделата по час и половина да играат фудбал. Резултатите биле навистина зачудувачки. Истражувањето траело 6 месеци, во тие месеци испитаниците двапати неделно по 90 минути играле фудбал, по истекот на 6 месеци било направено повторно клиничко иследување на испитаниците каде што било утврдено дека дури 3/4 од испитаниците повеќе немале никаков проблем со зголемен крвен притисок, а останатите имале значително помало покачување од она почетното, пред да пристапат на истражувањето.
Освен ова кај испитаниците било забележано значително губење на прекумерното масно ткиво и подобрување на функцијата на белите дробови, што укажува на фактот дека спортувањето двапати неделно е здраво не само за кардиоваскуларниот систем, туку и за сите органи и системи во телото.
