Научниците им советуваат на родителите да водат сметка детските играчки и рацете секогаш да бидат чисти, за да се избегне ширењето на бактерии на другите, вклучувајќи ги и постарите роднини кои се склони на инфекции.
„Пнеумококните инфекции се честа причина за смрт во целиот свет, а се проценува дека од вакви болести, годишно, животот го губат 1,3 милиони деца помали од пет години„, истакнува авторката на студијата д-р Викторија Конор. „Постарите лица или луѓето со послаб имунитет, особено оние кои имаат хронични болести, исто така се изложение на поголем ризик од вакви заболувања„.
Д-р Конор истакнува дека знаењето за пренесувањето на ваквите инфекции е слабо, па поради тоа и ја направиле оваа студија. „Ако подобро разбереме како бактериите се шират, ќе може подобро да се заштитиме од пневмококните инфекции„.
Истражувачите заклучиле дека бактериите може да се пренесат од рацете на носот без оглед на тоа дали луѓето го чепкаат носот или само ќе се почешаат.
Можеби не е реално на децата да им се објасни дека не смеат да го чепкаат носот, ниту да го чешкаат, затоа што присуството на бактерии понекогаш кај децата може да го зајакне нивниот имун систем, па не е јасно дали за децата е најдобро целосно да се спречи ширењето на тие бактерии.
Во секој случај, стручњаците советуваат да се води сметка за хигиената,како за својата, така и за децата, што подразбира редовно миење на раце и чистење или перење на играчките, за да се намали ризикот од зараза со вакви инфекции.
„Ова е прва студија која покажала дека пневмококните бактерии се пренесуваат преку директен контакт, а не само во воздухот„, вели претседателот на Европското здружение за респираторни болести проф. Тобијас Велте.
