Гаргарa и испирање на носот со солена вода лекуваат настинки бидејќи организмот ги користи за да создаде средина која што ги убива вирусите. Оваа стара постапка, што ја користеле и нашите баби го намалува траењето на настинката за најмалку два дена, покажуваат истражувањата на тимот од Универзитетот во Едингбург.
Затнатиот нос и сувото грло знаат да бидат доста непријатни. Ако не дишиме правилно тогаш и лошо спиеме, а болното грло ни го отежнува јадењето и голтањето. Добрата вест е што овие симптоми не траат долго и што можат да се надминат на природен начин.
Според заклучоците на Универзитетот во Едингбург, испитаниците кои активно правеле гаргара и испирање на носот со солена вода помалку имале потреба да користат медикаменти и поретко ја пренесувале настинката на блиските во семејството.
Според нивните препораки најефикасен е растворот од три грама морска сол и 100 милилитри вода. При приготвувањето водата треба да проврие, бидејќи може да содржи микроорганизми. Гаргара може да се прави неколкупати дневно. За правилно испирање на носот, пак, потребна е посебна чаша во облик на чајник и 200 милилитри раствор. Треба да се наведнете настрана и течноста преку отворот да ја истурите низ едната ноздра, за да може да излезе низ другата. За време на испирањето може нормално да дишите. Добро е да се направи миење низ двете ноздри.
