Според резултатите од истражувањето спроведено од страна на научниците на „Washington School of Medicine“, генетската терапија може да им помогне на оние кои страдаат од хронични болести на бубрезите да ја забават прогресијата на болеста, па дури и да дојде до опоравување на бубрегот.
Хроничната бубрежна болест (ХББ) претставува прогресивно заболување на бубрезите со неповратно намалување на бубрежната функција во период од најмалку 3 месеци, кое поминува низ 5 стадиуми
Дијабетес, хипертензија и други состојби предизвикуваат хронична бубрежна болест, која се јавува кога оштетените бубрези не можат ефикасно да го филтрираат отпадот и вишокот течности од телото.
Меѓу главните симптоми се: намалено уринирање, слабост, недостаток на здив, отоци, повраќање, губиток на апетит, дезориентираност, грчеви на мускулите, епилептични напади, замор, зголемeнa киселост на организмот, проблеми со спиењето, грчеви во мускулите, чешање, висок крвен притисок (хипертензија)…
Во САД, околу 30 милиони луѓе имаат проблеми со хронична бубрежна болест. Во моментов не постои лек за наведената состојба, а главниот пристап кон лекувањето на пациентите во последната фаза на болеста се дијализата и трансплантацијата на бубрези.
-
Генетската терапија која била применета во ова истражување е насочена кон два типа на клетки, кои се вклучени во предизвикување ненадоместлива штета, која се јавува кај хроничната бубрежна болест
Со оглед на фактот што хроничната бубрежна болест е бавно прогресирачка болест, се смета дека со инјекција на генетска терапија два пати годишно, би била доволно за лекување на оваа болест, пишува „Journal of the American Society of Nephrology“.
