Ѓаволска канџа или харпагофит (Harpagophytum procumbens) е растение од семејството на сусамите, а потекнува од Јужна Африка. Оваа билка името го добила заради коренот кој потсетува на канџа, и токму тој дел се применува во лекувањето. Африканските племиња веќе илјадници години ја користат како средство против болки, за лекување на тегоби на кожата и како помош при породувањата. Со неа лекуваат и висока температура, и тоа консумирајќи го нејзиниот чај или прав.
За нејзиното ширење во Европа заслужен е германскиот лекар и ботаничар Оти Хајнрик Волк, кој се уверил во неверојатноста на оваа билка додека живеел во Намибија за време на Втората светска војна.
Имено, тој ги набљудувал шаманите како со оваа билка ги лекуваат тешко ранетите воини, а потоа открил каде ја берат. Оттогаш ѓаволската канџа се раширила во Европа и станала популарна за лекување бројни тегоби, но првенствено артритис и реума.
Денес од сите европски земји најмногу се користи токму во Германија (Германија официјално ја одобрила за лекување на артритис, болка во половината, колената и колковите, но и како состојка во бројки антиревматски препарати).
Ѓаволската канџа се користи како лек за остеоартритис, ревматски артритис, гихт и тендинитис. Оваа билка, исто така, ја намалува температурата и има противвоспалителни својства, што ја прави корисна кај грип, настинка и многу инфекции. Во некои европски земји се применува како природна замена за кортикостероиди.
За таа цел се користат инјекции од течен екстракт од ѓаволска канџа. Поволна е и за постари лица затоа што ја нормализира работата на срцето, нивото на холестерол во крвта и варењето на храната.
Постојат се повеќе докази дека помага и во брзото отстранување на болките предизвикани од воспалителни процеси во зглобовите. Се смета дека по делотвореност е еднаква на ибупрофенот.
Познато е дека антиревматските лекови и штетат на слузокожата на желудникот. Спротивно на тоа ѓаволската канџа има крајно благотворно влијание на стомакот. Со оглед на тоа дека модерната медицина нема средство со кое би се излекувал остеоартритисот, ѓаволската канџа е златна помош кај оваа болест, затоа што освен што го намалува воспалението и болките – помага и во изградбата на ’рскавицата. Нејзиното делување е засилено во комбинација со сеприсутниот глукозамин и кондроитин сулфат.
При проблеми со варењето или губење на апититот се консумира чај, екстракт или тинктура од ѓаволска канџа.
Рецепт за чај од ѓаволска канџа
Лажичка сув корен оставете да се вари 20 минути, во четири децилитри вода. Откако ќе се излади процедете. Пијте 2 до 3 чаши од овој чај дневно.
Напомена: Ѓаволската канџа не смеат да ја пијат трудници, доилки и лица со чир на желудникот.
Што е можно поскоро ставете ја на вашето мени!
