Додека во исчекување на туристи желни за море и одмор, европските земји полека повторно ги отвораат границите, двајца водечки германски лекари предупредуваат дека масовното попуштање на мерките на плажите и во летувалиштата, може да поттикнат втор бран на пандемијата со КОВИД-19.
Макс Гераетс, лекар и медицински истражувач на Универзитетот Марбург вели дека големите собирања би можеле да доведат до “уште еден вртоглав пораст на заразата“.
Според него, проблемот не е престојот на плажа, туку во баровите и кафулињата.
“Кога одите во бар во кој има многу луѓе, тоа може да биде проблем. Туристичките дестинации може да бидат ‘одговорни’ за втора фаза на експоненцијалниот раст на заразата со коронавирусот во земјите кои се изборија со епидемијата, а во кои вирусот се врати“, вели проф. Гераетс.
Тој истовремено предупредува дека здравствените системи во странство можеби не се толку добро како во матичната земја, особено ако патникот се разболи од КОВИД-19.
“Во местата каде се лоши здравствените системи, поголема е опасноста заразата брзо да се шири. Во вакви случаи ризикот е поголем ако станува збор за лица кои спаѓаат во ризични групи. Освен што самите ќе се заразат и нема да има кој да ги лекува, постои можност да го загозат и локалното население, бидејќи мерките се ‘лабави’“, потенцира проф. Гераетс.
НЕ ПОСТОИ “ДОВОЛНО ИМУНИТЕТ“
Уште еден медицински стручњак, Хајо Зеп од Институтот за пренеција и епидемиологија во Бремен, предупредува дека кај светската популација не постои доволно силен имунитет кој би спречил појава на втор бран.
“Со оглед на тоа дека засега многу мал дел од популацијата има некаков вид на имунитет, јасно е дека вирусот би можел брзо да се рашири доколку постојат ‘соодветни’ услови“, вели Зеп.
Студии во Шведска и во Италија од минатат недела покажале дека само околу седум проценти од нивното население имаат антитела за КОВИД-19, што е знак дека европскиот колективен имунитет за кој толку се зборува последниве месеци, се уште е многу далеку.
