“По студијата спроведена на 250 лица кои како прва вакцина ја примиле вакцината на АстраЗенека, а како втора доза вакцината на Фајзер, забележана е поголема ефикасност во спздавањето на имунитет, отколку кај лицата кои примиле две дози од вакцината АстраЗенека“, стои во соопштението на Сарскиот универзитет во Германија.
Ваквата комбинација, како што се наведува, постигнува поголема ефикасност и од двојната комбинација на вакцината Фајзер.
При вакцинацијата со различни вакцини доаѓа до создавање на многу поголем број на антитела и т.н. Т-клетки.
Авторите на студијата кои, според нивните кажувања, биле “изненадени со несомнениот резултат“, препорачуваат вакцинирање со различни видови вакцина како подобра заштита од КОВИД-19.
Фајзер вакцината припаѓа во поновата генерација на т.н. мРНА вакцини, додека на АстраЗенека припаѓа на традицоналната група на т.н. векторски вакцини.
Како што нагласуваат универзитетските професори, актуелната студија треба да биде продлабочена за да се дојде до нови сознанија од аспект на ефикасноста и по полот и по возраста.
