Обдукции на 22 пациенти во Германија кои починале од КОВИД-19 откриле дека коронавирусот SARS-CoV-2 е присутен во различни органи. Освен во белите дробови и дишниот тракт, количини на вирусна РНК откриени се и во бубрезите, црниот дроб, срцето, мозокот и крвта.
Присутноста на вирусот во тие органи може да влије на текот на болеста и може да ги доведе пациентите во поголема опасност, предупредуваат истражувачите.
Истражувачите, меѓу другото, го пронашле вирусот на неколку места во бубрезите на починатите пациенти, што може да ги објасни извештаите за оштетувања на бубрезите кај некои пацинети заболени од КОВИД-19. Трудот е објавен на страниците на New England Journal od Medicine, а потребни се дополнителни истражувања како би се докажала причинската врска помеѓу оштетувањата на органите и присутноста на вирусот.
Коронавирусот SARS-CoV-2 примарно ги инфицира клетките на респираторниот тракт, но досега недоволно е истражено како делува на останатите органи на човековото тело, пишуваат авторите.
Обдукциските наоди кои ги собрале во својот труд, покажуваат дека SARS-CoV-2 може да се открие во повеќе органи, вклучувајќи ги белите дробови, црниот дроб, срцето, ждрелото, мозокот и бубрезите.
Во 17 од истражените случаи (77%) пронајдени се подвеќе од два коегзистирачки состојби, најчесто на бубрезите, нагласуваат истражувачите.
Од претходно е откриено дека кога SARS-CoV-2 ќе влезе во телото на човекот, во клетките се пробива со помош на два протеини кои таму ги наоѓа, ACE2 и TMPRSS2. Се покажало дека потенцијалните целни клетки кои ги произведуваат овие протеини се распрснати по телото, вклучувајќи го срцето, мочниот меур, панкреасот, бубрезите и носот. Ги има и во очите и во мозокот.
“Ова не е само вирусно воспаление на белите дробови. Ваква болест се уште не сме виделе – таа ги погаѓа и крвните садови, но и срцето“, изјави пред извесно време кардиологот Франк Рушитцка од универзитетската болница во Цирих, кој ги опишал дека вирусните честички се пронајдени во васкуларниот ендотел, тенок слој на клетки кои крвните садови го користат во разни органи во телото.
