![mlecni-proizvodi (2)](https://panacea.mk/wp-content/uploads/2018/04/mlecni-proizvodi-2-696x557.jpg)
Додека многу луѓе кои се чувствителни на одредени состојки и намирници, едноставно немаат друг избор, освен да се откажат, докторите сметаат дека оние кои самоиницијативно се откажуваат од одредени намирници правејќи го тоа поради помодарство или животен стил, себеси си прават повеќе штета отколку корист.
Многумина ги избегнуваат млечните производи, верувајќи дека ги дебелеат или им ги влошуваат кожните заболувања.
Сепак, експертите објаснуваат дека исфрлањето на оваа група на производи од секојдневната исхраната може да резултира со нетолеранција на лактоза.
Точно е дека голем дел од популацијата не реагира добро на лактозата, која тешко се вари, бидејќи организмот не произведува доволно лактаза – ензим, кој овозможува разложување на лактозата, пишува „Independent“.
![](https://panacea.mk/wp-content/uploads/2018/04/mlecni-proizvodi-3-500x750.jpg)
Лактозната интолеранција е ретка кај деца помали од пет години, но како што растеме, шансите се зголемуваат, бидејќи нивото на лактаза се намалува.
Експертите, меѓутоа наведуваат дека колку повеќе млечни производи консумираме, толку повеќе бактериите во нашата интестинална флора произведуваат повеќе лактаза.
„Бактериите во дебелото црево мора да се хранат за да преживеат. Тоа значи дека она со кое се храните во исто време храни одредени групи бактерии во вашиот организам“, вели д-р Денис Савијано од Универзитетот Пурдју.
„Луѓето во чија исхрана е застапена лактозата произведуваат шест до осум пати повеќе лактаза отколку луѓето кои не внесуваат млечни производи“, додава д-р Савијано
Многу луѓе кои одлучиле повторно да ги вклучат млечните производи во својата исхрана, на почетокот може да се соочат со потешкотии со варењето.
Докторите советуваат во тој случај млечните производи да се воведуваат постепено и полека, за организмот да има доволно време да произведе оптимална количина на лактаза.
Важно е да се напомене дека млекото содржи највисока количина на лактоза, додека млечните производи, како јогуртот и тврдите сирења, го содржат овој млечен шеќер во многу помала мера.