Од ризик факторите прво се наведува возраста – имено поради имунолошката незрелост на грлото на матката кај девојките, воспалителниот процес полесно се одвива и често болеста е прикриена и се открива дури кога настанува трајно оштетување на општото и на репродуктивното здравје. Полот е исто така важен фактор и поподложни се девојките.
Многу сексуално преносливи болести имаат благи или воопшто немаат симптоми, кои можат да поминат и сами од себе, без лицето да е излекувано. Како што веќе е напоменато, болестите се пренесуваат преку сексуален, орален, анален и вагинален секс.
Се разбира, симптомите нема да ги препознаете ако ја погледнете личноста или самите себе во огледалото, и затоа е добро да ги знаете сите, особено ако сте имале незаштитен секс.
Овие се симптоми на сексуално преносливи болести кои морате да ги знаете
Многу симптоми, како што се оние на кламидија, често поминуваат незабележано, но доколку не се лекуваат, може да предизвикаат многу посериозни проблеми, како што се проблеми со зачнувањето. Гонорејата исто така влијае на плодноста. Околу 50% од жените и 10% од мажите со гонореја воопшто не доживуваат симптоми, поради што е важно редовно да одите на прегледи ако практикувате незаштитен секс.
Симптоми на СПБ кај мажи и жени:
- Болка при мокрење
- Чешање, пецкање во пределот околу гениталиите
- Чиреви, плускавци или топчиња на подрачје на анусот или гениталиите
- Темна прашкаста содржина или бели точки на долната облека
КАЈ ЖЕНИ:
- Жолт или зелен исцедок
- Исцедок со непријатен мирис
- Крварење помеѓу менструални циклуси
- Болка во долниот дел на стомакот
КАЈ МАЖИ:
- Исцедок од пенисот
- Иритација на уретерот (мочовод)
