Од чешање кое е знак за аларм, до задоволство кое се претвора во болка. Откријте ги одговорите на сите нерпијатни прашања за вашата вагина. Гинекологот д-р Пени Адамс, ги дава одговорите кои ќе ви помогнат да ги откриете симптомите кои ги имате.
Понекогаш имам чешање на половиот орган. Дали е тоа нормално?
“Вагиналниот јадеж не е нормална појава. Причина за тоа може да биде засилен исцедок, инфекција или дерматитис. Исто така, можеби вашата долна облека е од синтетички материја кој ви пречи“, одговара д-р Адамс. Таа препорачува носење памучна долна облека и задолжителна посета на гинеколог ако чешањето не престанува за еден или два дена.
Од кога имам сексуален однос со новиот партнер, моите вагинални усни се некако црвени и отечени. Можно ли е да имам алергија на неговиот ејакулат?
“Инфекциите како кандида и херпес, исто така може да предизвикаат таква реакција. Доколку вашиот гинеколог исклучи било каков вид на инфекција, тогаш е можно да се работи за алергиска реакција. Сепак, не мора да значи дека ви пречи неговата сперма, оти тоа е многу ретка појава. Можеби вам не ви одговара типот на кондоми кои ги користите или лубриканти. Освен тоа, вагината може да отече и од преинтензивен или премногу груб полов однос“, вели д-р Адамс.
По оргазмот, мојот клиторис е многу чувствителен и боли дури и на нежен допир. Зошто е тоа така?
“Клиторисот е дел од телото со најмногу нервни завршетоци и затоа е така чувствителен. По оргазмот, тој малку отекува (поради дотокот на крв), што го прави исклучително чувствителен – затоа и директната стимулација станува болна. Штом количината на насобрана крв ќе се намали, ќе исчезне и болката“.
Зошто некои жени хируршки го враќаат хименот? Има ли тоа некаква врска со уживањето во половиот однос?
“Ако се пробие хименот, дали преку сексуален однос, вежбање или користење на тампон, делови на мембраната може повторно да се спојат со хируршки зафат. Ниту од медицинска страна, ниту од страна на уживање во сексуалниот однос, оваа постапка не е оправдан“.
