Новогодишни одлуки: да ослабам, да престанам да пушам, да почнам да вежбам, и конечно да отидам на тој несакан гинеколошки преглед… Уф, пред тоа морам да се издепилирам и да направам педикир, оти што ќе помисли гинекологот за мене – дека сум запуштена.
Шегата на страна, вели гинекологот д-р Матилда Младиниќ, и натаму во ординацијата се среќавам со жени кои со години не биле на систематски гинеколошки преглед, или со години имаат сексуални односи, ништо не им пречи, па немале потреба за преглед.
Што ги носи во ординација:
- Случај со познаник, пријателка која асе разболела од некоја гинеколошка болест, а „редовно се контролирала“
- На жената и се појавиле проблеми или не може да забремени
ШТО ВКЛУЧУВА РЕДОВНИОТ ГИНЕКОЛОШКИ ПРЕГЛЕД?
Според препораките, редовниот гинеколошки преглед вклучува преглед со спекулум, земање брис за ПАП-тест, и преглед со ултразвук. Секогаш инсистирајте на вагинален ултразвучен преглед, инаку во спротивно не сте до крај обработени лекарски. Само со рака не може да се види структурата на матката и на јајчниците, вели д-р Младиниќ.
Стравот од гинеколошки преглед не треба да постои, ниту да биде причина за избегнување на прегледот, бидејќи подготовки за гинеколошки преглед практично и нема.
СОВЕТ ЗА 2020.: Се што пишува на интернет не е точно, не верувајте на предрасудите, верувајте му на својот лекар. Не мислете дека ХПВ или несакана бременост вам не може да ви се случи. Не плашете се од контрацепција – од неа нема да станете влакнести, ниту подебели, ниту ќе добиете рак.
Повеќето сериозни појави може да се спречат ако редовно правите прегледи. Ние гинеколозите, вели д-р Младиниќ, не осудуваме, ниту сакаме да ја критикуваме жената која избегнува прегледи. Секоја жена има своја приказна и треба да се разбере, да и се понуди поддршка и помош.
