Гингивитот е непријатно, упорно и болно заболување на непцата. Ова се природни решенија за него, кои може да помогнат при негово лекување.
Гингивитот е медицински термин за воспаление на непцата. Се добива како резултат на насобирње на плак, а симптомите вклучуваат болни и отечени непца, лош здив и крварење при миење на забите. Причината за појавата на гингивит може да бидат различни – од штетни навики при исхраната и пушењето, до генетска предиспонираност и возраста.
СОЛЕНА ВОДА
Плакнењето на устата со солена вода помага за чистење на насобраниот забен камен (плак) од тешко достапните места, каде четката за заби не успеала да исчисти. Методата се користи и за чистење на усната шуплина од бактерии кои исто така може да водат кон појава на гингивит. Важен услов е да не ја користите солената вода многу често или подолго време, бидејќи може да одрази лошо на самите заби.
ЕТЕРИЧНИ МАСЛА
Етеричните масла од чаено дрво и лимонова трева се испитан природен лек при гингивит кои ја олеснуваат болката и ги намалуваат отоците. Треба да растворите две капки од избраното масло во чаша ладна вода и добро да ја исплакнете устата со добиениот раствор.
СОДА БИКАРБОНА
Масажата на непцата со паста од сода бикарбона исто така помага за справување со гингивитот и ja неутрализира Ph вредноста во устата. Но, и ова е метода која не треба да се користи многу долго, бидејќи може да се оштети глеѓта на забите.
ЛИМОНОВ СОК
Сокот од лимон треба да се користи секогаш разреден со вода и е добар за одржување на добра орална хигиена и како превентивна мерка при бактерии.
КУРКУМА
Зачинот е познат по својот корисен ефект за непцата и за забите. Ги намалува отоците, се справува со воспалените непца, штити од бактерии и ги чисти забите од насобирање на забен камен.
