Ако сте оние кои се убедени дека диетите со големи рестрикции на калорискиот внес се здрави, всушност во заблуда сте затоа што тие носат повеќе штета отколку корист. Факт е дека се намалува телесната тежина, но по престанокот на ваквиот режим килограмите се враќаат, дури и двојно бидејќи често луѓето се прејадуваат и претеруваат со храната која им била забранета. Ригорозните диети може да ги предизвикаат следниве нарушувања:
Нетолеранција на храна
Ако подолг период се храниме еднолично, односно консумираме храна која подолго време нè држи сити, тогаш големи се шансите ова да резултира со нетолеранција токму кон таа храна. Симптомите на нетолеранција се подуеност, лошо варење, замор, главоболки…
Хипогликемија
Едноличната исхрана може да го намали нивото на шеќер во крвта, но и да предизвика чести скокови или падови на енергијата. Може да почувствувате напади на глад, но и проблеми со спиењето, како и умор.
Кандидијаза
Кандидата е габичка која ја има во цревната флора и на кожата. Кога е нарушена имунолошката рамнотежа оваа габичка се размножува со голема брзина и може да предизвика воспаленија, лупење на кожата, лоша циркулација…
