Гласното ‘рчење може да биде и ран симптом за проблеми со деменција и помнење, велат научниците. Луѓето со опструктивна апнеа за време на спиењето, која често предизвикува гласно ‘рчење, имаат полоши резултати на тестовите за меморија, а исто така имаат и промени во мозокот кои се поврзани со деменција.
Половина милион Британци страдат од ‘рчење, што е вообичаено кај мажите во средни години со прекумерна тежина и предизвикува ѕидовите на грлото да се стеснат за време на спиењето и така да го пореметат дишењето. Научниците од Универзитетот во Сиднеј сугерираат дека ова би можело да ги стесни и делови на мозокот намалувајќи го нивото на кислород во крвта. Во истражувањето е утврдено дека лицата со апнеа во сон имаат намален проток на крвта во мозокот, особено во мемориските центри на мозокот и поврзани се со деменција. Овие промени на мозокот биле поврзани со лошите перформанси во тестот за меморија каде луѓето добиле листа со 15 предмети кои треба да се повторат по 20 минути.
„Нашите резултати укажуваат на тоа дека мора да правиме скрининг за опструктивна апнеа за време на спиењето кај повозрасните лица. Исто така треба да ја следиме и состојбата на пациентите кои посетуваат клиники за спиење за нивната способност за размислување и резултатите од тестовите за меморија. Не постои лек за деменција, па раната интервенција е многу важна. Од друга страна имаме ефикасен третман за опструктивната апнеа. Ова истражување покажува дека и дијагностицирањето и лекувањето на овј тип на апнеа може да биде прилика за спречување на когнитивниот пад пред да биде предоцна“, вели д-р Шерон Најсмит.
Резултатите од истражувањето покажуваат дека лицата со ниско ниво на кислород во својата крв имаат намалено ниво на сива маса во черепот. Иако студијата не е тесно поврзана со деменцијата, открила дека кај луѓето чии промени во мозокот се видени на скрининг полошо го направиле тестот од 15 предмети.
„Меѓу 30 и 50% од ризикот од деменција доаѓа поради модифицираните фактори, како што се депресија, висок крвен притисок, гојазност и пушење. Во последните години, истражувачите препознале дека разни пореметувања на спиењето, се исто така се ризик фактори за деменција“, вели д-р Шерон Најсмит.
Апнеата за време на спиењето може да се третира со помош на уреди за ослбоодување на притисокот на дишните патишта, кои спречуваат нивно затворање за време на сонот.
