Чувството на постојанa глад понекогаш се јавува дури и кога неодамна сте јаделе, а причините за тоа честопати не се поврзани со храната.
Експертите објаснуваат дека сигналите за глад можат да бидат под влијание на хормоните , стресот, спиењето, лековите и физичката активност.
Токму затоа нутриционистите и диететичарите издвојуваат неколку од најчестите предизвикувачи кои лесно се занемаруваат. Иако многу од нив изгледаат безопасни, тие можат силно да влијаат на апетитот .
Стрес
Диететичарите истакнуваат дека стресот може да предизвика ненадејни налети на глад и желба за одредена храна. Тоби Амидор, нутриционист и регистриран диететичар, објаснува:
„Зголемувањето на кортизолот може да доведе до зголеменa глад и желба за одредена храна“, вели нутриционистот и диететичар Тоби Амидор за EatingWell.
Хормонални промени во перименопаузата и менопаузата
Зголеменaта глад кај жените во перименопауза и менопауза често се должи на промени во нивото на естроген.
Амидор истакнува дека естрогенот природно помага во потиснување на апетитот. Покрај тоа, се појавуваат симптоми како што се главоболки, топли бранови и промени во расположението. Комбинацијата на овие промени може да создаде силна потреба за храна.
Недостаток на сон
Мур наведува дека лошиот сон може да ги наруши внатрешните сигнали на глад и ситост. Неправилниот сон влијае на хормоните грелин и лептин, кои го регулираат апетитот.
Кога спиеме премалку, хормонот на глад се зголемува, а хормонот на ситост се намалува. Поради ова, се зголемува желбата за храна.
Лекови кои го стимулираат апетитот
Некои лекови може да имаат зголемен апетит како несакан ефект, предупредува Амидор. Тие вклучуваат кортикостероиди, одредени терапии за рак, габапентин, трициклични антидепресиви и постари антихистаминици.
Кога лекот влијае на апетитот, промените можат да се појават ненадејно и неочекувано. Важно е да се обрне внимание на тој модел.
Збунувачки сигнали за жед
Нутриционистите објаснуваат дека телото понекогаш ја меша жедта со глад бидејќи центрите за овие сигнали се наоѓаат многу блиску во мозокот.
Кога сигналите се преклопуваат, мозокот може погрешно да ја протолкува потребата за вода како потреба за храна. Ова често се случува кратко по оброкот. Дури и благата дехидрација може да го зголеми нагонот за грицкање.
Последици од интензивно вежбање
Наглото зголемување на физичката активност може да го зголеми апетитот бидејќи на телото му е потребна повеќе енергија за да се опорави. За време на напорниот тренинг, резервите на јаглехидрати и протеини се трошат, па мозокот испраќа сигнали дека е потребна компензација.
Интензивното вежбање може да ги намали и нивоата на лептин, хормон кој ја потиснува гладта. Поради ова, постои посилно чувство на потреба за храна.
