Во изданието на списанието Cancer Cell за март, мултидисциплинарен тим од болницата Меморијал Слоун информира за основната причина за мозочната магла: присутност на воспалителни молекули во цереброспиналната течност што го исполнува просторот околу мозокот и ’рбетниот мозок. Наодите сугерираат дека антивоспалителни лекови, како стероиди, може да бидат корисни за лекување на состојбата, но за тоа се потребни повеќе истражувања.
До ова откритие се дошло во соработка со стручњаци од неврологија, интензивна нега, микробиологија и неврорадиологија во болницата Мемориал Слоун.
Медицинскиот израз за таа состојба е енцефалопатија. Тоа е нуспојава кај пациентите кои примаат имунотерапија за лекување на рак на крвта. Имуните клетки ослободуваат молекули наречени цитокини, а кои помагаат на телото да се убие ракот. Но, цитокините можат да протечат во подрачје околу мозокот и да предизвикаат воспаление.
Истражувачите на почетокот се сомневале дека на мозокот делува самиот вирус. Кога во испитувањата не е пронајдено ништо што би можело да ја објасни состојбата на пациентот, истражувачите помислиле дека одговорот може да се крие во ликворот. Микробиолошкиот тим осмисил тест за откривање на коронавирусот во течноста, но тој не е пронајден ниту тогаш.
На крајот е откриено дека пациентите имале упорно воспаление и високо ниво на цитокини во цереброспиналната течност, што ги објаснувало нивните симптоми, вели едниот од истражувачите, Џан Ремсик, кој алатките за проучување на биологијата на карциномот ги применил за КОВИД-19.
“Порано мислевме дека нервниот систем е имунолошки привилегиран орган, што значи дека немал никаков однос со имуниот систем. Но, колку повеќе гледаме, пронаоѓаме се повеќе врски и поврзаност“, велат професорите.
Следната цел е да се открие како се преминува крвно-мозочната бариера, што е важно за сфаќање на начинот на кој клетките на ракот можат од други делови на телото да се шират во мозокот.
Воспалителните маркери пронајдени кај пациентите со КОВИД-19 биле слични, но не и идентични со оние кај лицата кои примале имунотерапија. Почетниот воспалителен одговор при лекување на пациентите со рак на крвта е многу сличен на цитокинската бура која често се јавува кај лицата со КОВИД-19.
